Pri Nobèl Fizik pou ane 2018 la al jwenn ameriken Arthur Ashkin, fransè Gérard Mourou avèk kanadyèn Donna Strickland pou dekouvèt istorik yo nan domèn fizik lazèr. Pri a mache ak yon rekonpans yon milyon $: M. Ashkin ap resevwa 1/2 milyon; lòt mwatye a pral jwenn 2 lòt savan yo.
Akademi Wayal Swedwa a fè konnen travay mesye-dam sa yo nan domèn “enstriman presizyon” – non yo se “zouti ki fèt ak limyè”- rive ouvè chemen an sou “yon zòn rechèch plis yon bann ak yon pakèt aplikasyon endistriyèl ak medikal pèsonn potko janm eksplore.”
Gayan Pri Nobèl Fizik ane 2018 la: Ameriken Arthur Ashkin (agoch), fransè Gérard Mourou ( mitan) avèk kanadyèn Donna Strickland.
Kounye a rete 2 pri pou akademi an remèt: Pri Nobèl Chimi ak Pri Nobèl Lapè. Yo pral anonse yo mèkredi 3 oktòb la (Chimi) ak vandredi 5 oktòb la (Lapè). Oganizatè yo pa p remèt Pri Nobèl Literati a ane sa a akoz yon eskandal seksyèk ki te pete nan Akademi Swadwaz la, òganizasyon ki responsab pou deside ki moun k ap resevwa li.
Anons gayan Pri Nobèl Memoryal la, li menm, pral fèt lendi 8 oktòb la.