3 antrepriz otelye (Marriott, NH El Rancho ak Best Western) mande ansyen Prezidan Michel Martelly pou l prezante ekskiz bay yo apre li deklare yo te resevwa nan lajan fon Petro Caribe a.
Antrepriz sa yo pote yon demanti ak deklarasyon san fondman yo di ansyen chèf deta a fè a pandan ke yo pa ekate posibilite pou yo trennenn l devan lajistis.
Lòt nouvè fè kwè ansyen prezidan Michel Martelly deja prezante eskiz li nan yon lèt bay 3 antrepriz prive sa yo. Dapre sa ki ekri nan lèt la ansyen chèf deta a di se blag li tap fè nan kad dosye sa a.
Mesye Martelly te fè deklarasyon sa a nan New York nan mikwo jounalis animatyè mizik ayisyen ki tap poze li kesyon sou kesyon Petro Caribe a pandan gwoup mizikal li a Sweet Micky te vin patisipe nan selebrasyon Labor Day la, ou Jou Travayè yo Ozetazini.
Plizyè sitwayen ayisyano-amerikn te mache ak pankat nan men yo kote yap mande ansyen prezidan an pou bay lajisitis eksplikasyon sou jesyon fon Venezyela te prete Ayiti atravè fon Petro Caribe a.