WASHINGTON, D.C —
Ayiti, Polis nasyonal la pibliye yon nòt pou l raple uzaje woutyè yo obligasyon pou yo respekte polisye sikilasyon lè y ap fè travay yo. Lapolis resevwa enstriksyon pou l arete tout moun ki vyole règleman yo dapre atik 279 lwa sou sikilasyon an. Enstitisyon an raple polisye yo pou yo gen bon konpòtman ak uzaje yo sinon y ap tonbe anba sanksyon ou byen mezi disiplinè dapre lwa 26 Me 2006 la.
Komisyon Ekonomik Amerik Latin ak Karayib la (CELAC) pibliye semen pase a previzyon kwasans ane 2018 la pou Amerik Latin ak Karayib la k ap gen yon ogmantasyon 1 pwen 5 pou 100 konpare 1 pwen 2 pou 100 an 2017. Dapre Previzyon yo, se yon to kwasans 1 pwen 8 pou 100 pou Ayiti konpare ak prediksyon gouvenman an ki se 3 pwen 9 pou 100 pou ane 2018 la.