WASHINGTON, D.C —
Prezidan ameriken-an Donald Trump pale aklè yè lendi-a pou di li ouvè sou nosyon pou Etazuni ta fè chita-pale dirèk ak Iran Pandan yon konferans deprès konjwen ak premye minis Itali-a, Giuseppe Conte, yon jounalis te poze prezidan-an kesyon pou konnen eske li ta renmen rankontre ak prezidan Iran-anHassan Rouhani. Mesye Trump reponn
" mwen kwè nan fè rankont ak lòt moun, espesyalman lè gen posiblite pou lagè eklate , lanmò ak gwo grangou, lè sa-a moun dwe fè rankont, pa genyen anyen ki pa bon nan desizyon pou fè chita-pale."
Lidè ameriken-an site kòm egzanp somè ak lidè Kore Dunò Kim Jong Un nan Sengapour ak rankont li ak prezidan ris la Vladimir Putin kòm efò ki chita sou diplomasi dirèk vizavi peyi ki pa renmen Etazuni