Plizyè milye fidèl kretyen Katolik ak Potestan selebre Dimanch Pak ki raple selon listwa biblik, Rezireksyon Jezi Kri. Nan Vatikan, Pap Frabswa nan diskou li mande pou gen yon fen yon fen "kanaj" kap fèt nan peyi Lasiri a.
Chèf Legliz Katolik la tou pwofite lanse apèl pou rekonsilyasyon nan rejyon Mwayen Oryan an e li mande lapè pou kontinan afriken an patikilyèman nan Repiblik Demokratik Kongo ak nan Soudan Sid, e li reklame asistans pou peyi Venezyela.
Ann Ayiti, kretyen Katolik yo mache nan Pòtoprens ak nan plizyè vil Pwovens an posesyon pou make fèt relijye sa a. Nan Jerizalèm, kretye te soti nan tout peyi kòm alòdine pou mache sou pakou Jezi Kri te pase nan moman mati li, lè sòlda Women yo te fòse lin pote yon kwa pou rive sou mòn kalvè kote yo te krisifye li ansanm ak 2 lòt moun yo te kondane dapre sa ki ekri nan liv Labib la ak selon fwa kretyen yo.
Lòt pwen ki domine aktyalite ann Ayiti pandan wikenn se move san plizyè majistra kominal fè kont administrasyon Moise/Lafontant ki distribye yon lajan pou fèt pak la kote kèk na yo ki jwenn sèlman. Distribisyon sa a ta sanble fèt nan paspouki.