O Brezil, lapolis federal arete plizyè moun ki gen bon jan rapò ak Prezidan Michel Temer ki gen pou l reponn akizasyon deske li te resevwa kout-lajan anba tab pou l te pèmèt kèk konpayi kap opere nan pi gwo pò peyi a jwenn kontra ak Leta.
Lòd arestasyon sa yo te sòti, jedi 29 mas 2018 la, nan biwo youn nan manm Kou Siprèm nan, Jij Luis Roberto Barroso kap sipèvize yon ankèt kap fèt sou operasyon pò vil San Paolo dos Santos.
Prezidan Brezilyen an, Michel Temer.
Nan mwa me 2017 la, Prezidan brezilyen an, Michel Temer, te siyen yon dekrè ki te pwolonje pou 35 lane yon kontra 25 kan Leta te siyen ak Konpayi sa yo; daprè dekrè a, li te menm pisib pou yo renouvle kontra a pou 70 zan.
Prezidan Temer deklare li pat fè anyen ki pa sa lè l te siyen kontra a ak konpayi yo; sekretè kabinè prezidansyèl la fè laprès konnen lidè brezilyen an gen pou l sove lonè li kanmèm-kanmèm.