WASHINGTON, DC —
Dimanch 11 mas 2018 la, gouvènman Prezidan Donald Trump la pran angajman pou l ede chak eta separeman ofri kèk pwofesè lekòl antrèman solid sou fason pou yo itilize zam-a-fe; an menm tan tou La Mezon Blanch pwopoze yon pwojè-lwa ki ta ranfòse plis toujou ankèt lwa federal yo mande sou dosye pèsonèl tout moun ki vle achte yon zam. Sepandan pwojè-lwa pa pale de dispozisyon Prezidan Trump te di l ap pran pou l ogmante laj minimòm yon moun dwe genyen pou l achte kèk zam.
Nan yon apèl-konferans ofisyèl ameriken te genyen avèk laprès, yo fè konnen administrasoyn Trump la pral ankouraje Eta yo bay ajan polis yo pouvwa pwovizwa pou yo sezi zam nan men moun oubyen anpeche yo achte zam si otorite yo sispèk ke yon achtè poze yon menas kèlkonk