Prezidan Donald Trump, ki fistre deske Kongrè ameriken an pa rive vote yon lwa pou pote gwo chanjman nan sistèm swen sante Lèzetazini an, ap pare pou siyen yon dekrè prezidansyèl ki vize mete ala dispozisyon pèp ameriken an plan asirans maladi ki pi bon mache ak avantaj ki redui, yon fason pou rann règleman asirans yo pi aksesib toujou.
Prenye sitwayen ameriken an la fè yon rankont nan Lamezon Blanch ak lidè ti antrepriz ak endividi ki kapab tire benefis nan dekrè a. Prezidan di: "Jodya se tou senpleman yon kòmansman. Nan mwa kap vini la yo, nou pral pran disposyon pounn bay pèp nou an plis soulajman. E sa pral genyen ladann plis koupi nan taks sitwayen yo ap peye.
Kèk otorite nan Lamezon Blanch fè konnen demach lidè ameriken an ap antreprann nan sans sa a pral ankouraje kreyasyon tout yon seri plan sante a bon mache ki pa bezwen respekte règleman ki anplas kounye a eki oblije konpayi asirans yo aksepte moun kap soufri ak yo maladi yo genyen avan sa.