Siklon Irma kontinye ap frape il ak zile karayib yo pandan jounen mekredi 6 septanm 2017 la; ouragan pote avèk li van ki tèlman fò, yo klase Irma nan kategori 5; sa vle di se yon tanpèt ki pote van e ki ka pwovoke inondasyon danjre.
Sant Nasyonal Ouragan Etazini an, Nastional Hurricane Center ki nan Miami, fè konnen nan zye siklon nan genyen van ki ka soufle a 295 kilomèt a lè nan moman lap vanse sou zile St-Maten ak Anguiy. Dapre previzyon espesyalis tan yo, siklon sa a se yon tanpet ekstrèmen danjre. Irma pral vanse sou plizyè nan zile Vyèj britanik yo.
Irma gen pou l pase tou prè Pòto Rico nan sware mekredi 6 septanm lan a e lap brose kot nò Repiblik Dominiken demen jedi 6 la. Siklon nan ap pran direksyon Wès-Nodwès kom trajektwa, e deplasman li se 26 kilomèt a lè. Sant Nasyonal Ouragan an di, an jeneral, IRMA pral kontinye nan direksyon sa a pandan 2 jou kap vini la a.
Ki previzyon ki fèt pou Ayiti nan moman gwo move tan sa a ap vanse sou peyi a? Nap gen repons la ak Madam Chrisnette St-Georges, ki nan Inite Idwo-Meteowolojik Ayisyen an nan Potoprens.
Your browser doesn’t support HTML5
Bilten Nimewo 9 sou Devlopman Siklòn Irma