Biwo Dwa Moun Oganizasyon Nasyon Zini an baze chif li yo sou rezilta yon ankèt preliminè ki parèt madi 8 out 2017 la.
Biwo Dwa Moun Oganizasyon Nasyon Zini an fè konnen pi fò nan 125 moun ki mouri pandan 4 mwa pwotestasyon anti-gouvènmantal ki dewoule nan peyi Venezuela yo, se rezilta sa biwo l’ONU an rele “itilizasyon yon fòs ki depase limit bò kote lapolis.”
Biwo Dwa Moun Oganizasyon Nasyon Zini baze chif li yo sou rezilta yon ankèt preliminè li te mennen e ki parèt an piblik madi 8 out 2017 la. Daprè rapò a, 46 nan viktim yo te tonbe anba men fòs sekirite yo, tandiske se militan kap defann gouvènman an ki responsab pou lòt lanmò yo.