Gouvènman ameriken an pral kòmanse mete an aplikasyon kèk nouvo règleman obligatwa pou sitwayen 6 peyi mizilman kap aplike pou yo vwayaje Ozetazini. Pa egzanp, fòk yo gen yon manm fanmi pwòch yo nan peyi a oubyen yo dwe ap patisipe nan aktivite komèsyal ak yon biznis ameriken.
Otorite wo-plase nan Washington bay detay, nan menm jounen jedi a, sou fason konsil yo dwe fè moun aplike pou viza ameriken si yap sòti nan 6 peyi sa yo: Iran, Libi, Yemèn, Soudan, Siri ak Somali. Règleman tou nèf yo ap antre an aplikasyon nan menm jou a 8 tè di swa, lè Washington, lè Ayiti.
Moun ki tap kite lokal Kou Siprèm ameriken an nan Washington lendi 26 jen 2017 la apre gran jij yo te vote pou apiye dekrè kont vwayaj sitwayen 6 peyi mizilman.
Nan mwa janvye pase a, lè Prezidan Donald Trump te pibliye yon premye dekrè sou entèdiksyon vwayaj kont sitwayen peyi nou site yo, sa te pwovoke pwotestasyon nan anpil ayewopò atravè Lèzetazini. Depi lè sa a gouvènman Trump la pote kèk modifikasyon nan règleman yo; e sa pa gen lontan Kou Siprèm nan te pase lod pou yo antre an aplikasyon pwovizwaman.