Amerik

Kolonbi-Guerrilla/Lapè: Prezidan Santos ak FARC Pwolonje Aplikasyon Akò Lapè a

  • Ekip Sèvis Kreyòl VOA

Prezidan Juan Manuel Santos ki tap resevwa kèk travay atizanal nan men yon gwoup endyen Misak nan Bogota, kapital peyi a, nan dat 10 oktòb 2016. Misye Santos di si konfli a pran fen, sa ka pote devlopman nan yon gwo pati nan peyi a ak yon kwasans ekonomik 1,5 % pa ane.

WASHINGTON, DC — 

Prezidan peyi Kolonbi a, Juan Manuel Santos, fè konnen li pwolonje yon akò seselfe ak yon gwoup rebèl maksis ak espwa sa va kapab relanse yon akò lapè 2 pati yo te siyen e ki echwe.

Premye akò seselfe a ant gouvènman Kolonbi a ak Fòs Ame Revolisyonè Kolonbi-a (FARC) ta pral bout nan fen mwa Oktòb la; men pati enterese yo deside pwolonje li pou jous fen ane a.

Anons pwolongasyon seselfe a vini yon ti tan apre Prezidan Santos te rankontre ak manifestan ki t-ap pwoteste nan kapital la, Bogota, kote yo tap fè presyon pou gouvènman an pouse pou pi devan ak akò a malgre elektè kolonbyen yo te rejte li nan yon referendum ki te dewoule nan dat 2 oktòb 2016 la.