Nan Siri -pi presizeman nan pati nòdès peyi a-- plizyè milye sivil ap kouri kite yon vil kurd ki rele Hasaka kote aviyasyon militè gouvènman an ap lanse atak depi jedi 18 out 2016 la. Daprè otorite lokal yo ak gwoup ki sou plas pou swiv sitiyasyon an, plizyè douzèn moun mouri nan atak sa yo.
Se premye fwa depi gè sivil a te kòmanse nan ane 2011 avyon gouvènman an vize yon zòn kote majorite popilasyon an se Kurd. Sa sanble montre genyen yon divizyon ant twoup gouvènmantal siryen yo ak fòs Kurd yo ki tap batay ansanm kont konbatan Gwoup Eta Islamik la depi 2014.
Temwen fè konnen yo wè 3 avyon konba siryen ki tap atake pozisyon gwoup Kurd yo. Nouvèl sa a jwenn konfimasyon Obsèvatwa Dwamoun Siryen an, yon gwoup ki gen reprezantan li sou teren an.