Sekretè Deta Kerry ameriken an, John Kerry, ale vandredi 24 me 2013 la nan peyi Etyopi kote li pral patisipe nan 50èm anivèsè kreyasyon Inyon Afrikèn nan, aprè yon vizit li fè nan peyi Izrayèl nan kad yon virewonn nan Mwayen Oryan an e sou kontinan afriken an. Misye Kerry, kap pase 3 jou nan Etyopi, ap kòmanse vizit la nan kapital la, Adis Abeba, kote li pral rankontre ak otorite wo-plase gouvènman an pou yo fè chita-pale sou kesyon ki enterese Lèzetazini ak Etyopi, daprè Depatman Deta.
Samdi chèf diplomasi amerikèn nan pral rejwenn lidè afriken yo ak lòt diyitè etranje nan yon somè kap make 50èm anivèsè Òganizasyon Pan-Afrikèn nan (oubyen Inyon Afrikèn nan) ki te rele okòmansman Òganizasyon Inite Afrikèn. Pwogram vizit Misye Kerry a prevwa kèk rankont sou efò kap fèt pou konbat ekstremis islamis yo nan peyi afriken tankou Mali ak pati nò Nijerya.
Toujou nan kad toune Sekretè Deta Kerry a, pi gwo diplomat ameriken an ak kòlèg britanik li a, William Hague, te mete ansanm pou yo eseye relanse negosyasyon lapè israyelo-palestinyen yo ak yon apèl yo lanse bay lidè yo nan Jerizalèm ak Ramallah pou ankouraje yo retounen bò tab negosyasyon an. Se konsa, nan jounen jedi 23 me 2013 la, Misye Kerry ak Misye Hague te fè kèk diskisyon separe avèk Premye Minis izrayelyen an, Benjamin Netanyahu; sou menm pwoblematik israyelo-palestinyen an, Sekretè Deta a te rankontre tou avèk prezidan izrayelyen an, Simon Peres, ki byen akeyi efò li-menm ak Misye Hague ap fè yo. Sekretè Deta Kerry di laprès:
“Nou tout aprann pandan ane ki pase yo, okenn prezidan oubyen sekretè deta pat genyen devan yo pwoblèm ki pi difisil pase sa ki devan nou la a. Alòs, si nou montre nou optimis tandiske pa menm gen negosyasyon kap dewoule, se tap montre ke nou pa reyalis. Men, mwen gen yon espwa ; mwen gen espwa nan deklarasyon Prezidan Obama fè sou dosye a e ki kapab kreye bòn dispozisyon ak bon jan espwa bò kote otorite Izrayèl yo, otorite pèp nan rejyon an, ak responsab palestinyen yo.
Misye Kerry te pale konsa aprè li te rankontre ak lidè izrayelyen yo jedi, anvan li te fè chita-tande tou ak responsab Pouvwa Palestinyen an. Jiskaprezan pa gen okenn siyn ki di otorite yo nan 2 pati konsène yo (Izrayèl ak Pouvwa Palestinyen an) dispoze fè chanjman nan pozisyon yo sou kèk eleman-kle nan pwoblèm ki divize yo e ki lakoz negosyasyon yo kanpe depi ane 2008. Se konsa tou, ni Sekretè Deta Kerry, ni kòlèg britanik li a, William Hague, pa mete sou tab la okenn nouvo pwopozisyon oksidantal ki ta kapab envite 2 pati yo rapwoche pozisyon yo.
Samdi chèf diplomasi amerikèn nan pral rejwenn lidè afriken yo ak lòt diyitè etranje nan yon somè kap make 50èm anivèsè Òganizasyon Pan-Afrikèn nan (oubyen Inyon Afrikèn nan) ki te rele okòmansman Òganizasyon Inite Afrikèn. Pwogram vizit Misye Kerry a prevwa kèk rankont sou efò kap fèt pou konbat ekstremis islamis yo nan peyi afriken tankou Mali ak pati nò Nijerya.
Toujou nan kad toune Sekretè Deta Kerry a, pi gwo diplomat ameriken an ak kòlèg britanik li a, William Hague, te mete ansanm pou yo eseye relanse negosyasyon lapè israyelo-palestinyen yo ak yon apèl yo lanse bay lidè yo nan Jerizalèm ak Ramallah pou ankouraje yo retounen bò tab negosyasyon an. Se konsa, nan jounen jedi 23 me 2013 la, Misye Kerry ak Misye Hague te fè kèk diskisyon separe avèk Premye Minis izrayelyen an, Benjamin Netanyahu; sou menm pwoblematik israyelo-palestinyen an, Sekretè Deta a te rankontre tou avèk prezidan izrayelyen an, Simon Peres, ki byen akeyi efò li-menm ak Misye Hague ap fè yo. Sekretè Deta Kerry di laprès:
“Nou tout aprann pandan ane ki pase yo, okenn prezidan oubyen sekretè deta pat genyen devan yo pwoblèm ki pi difisil pase sa ki devan nou la a. Alòs, si nou montre nou optimis tandiske pa menm gen negosyasyon kap dewoule, se tap montre ke nou pa reyalis. Men, mwen gen yon espwa ; mwen gen espwa nan deklarasyon Prezidan Obama fè sou dosye a e ki kapab kreye bòn dispozisyon ak bon jan espwa bò kote otorite Izrayèl yo, otorite pèp nan rejyon an, ak responsab palestinyen yo.
Misye Kerry te pale konsa aprè li te rankontre ak lidè izrayelyen yo jedi, anvan li te fè chita-tande tou ak responsab Pouvwa Palestinyen an. Jiskaprezan pa gen okenn siyn ki di otorite yo nan 2 pati konsène yo (Izrayèl ak Pouvwa Palestinyen an) dispoze fè chanjman nan pozisyon yo sou kèk eleman-kle nan pwoblèm ki divize yo e ki lakoz negosyasyon yo kanpe depi ane 2008. Se konsa tou, ni Sekretè Deta Kerry, ni kòlèg britanik li a, William Hague, pa mete sou tab la okenn nouvo pwopozisyon oksidantal ki ta kapab envite 2 pati yo rapwoche pozisyon yo.