Ozetazini, Prezidan Barack Obama fè yon vizit mèkredi nan New Jersey, eta ki sibi plis dega pandan pasaj Siklòn Sandy ki frape pati nodès peyi a, kote li fè anpil viktim e kite dèyè devastasyon ak dezolasyon. Prezidan an pale ak sinistre yo pou l di yo gouvènman federal la pral mete a la dispozisyon yo asistans pandan yon peryòd byen long.
Vrèmanvre, aprè Misye Obama te fè yon vire-won nan elikoptè sou zòn kote Sandy fè plis dega nan New Jersey, li te pote asirans bay plizyè milyon moun kap viv nan eta a e nan zòn metwopolitèn New York la kote move tan an fè gwo dega tou.
Li voye kondoleyans nasyon an bay fanmi ki pèdi moun ki chè pou yo nan siklòn nan, epi li pwomèt gouvènman federal la pral kontinye ede yo.
Prezidan Obama di:
" Si mwen prezante isit la, se pou nou… pou mwen di nou pap bliye. Nou pral fè suivi ki nesesè pou n ka gen garanti ke nou resevwa tout asistans nou bezwen, jiskaske nou va fin rebati."
Prezidan Obama te kontinye pou l di konpayi ki bay sèvis premye nesesite yo (tankou konpayi elektrik, konpayi dlo ak gaz), genyen sou plas nan New Jersey pwofesyonèl kap pote-kole nan efò pou retabli sèvis sa yo nan zòn sinistre yo.
Bò kote pa l, gouvènè Eta New Jersey a, Chris Christie -ki pa konn mete dlo nan bouch li pou l kritike Misye Obama- fè gwo konpliman pou prezidan an poutèt rapidite aksyon lidè ameriken an pran pou l reyaji pandan e aprè pasaj siklòn nan.
Gouvènè Christie deklare: “Prezidan ameriken an avèk mwen, nou fè 6 konvèsasyon depi dimanch. Sa montre mwen kijan sitiyasyon an ba li preokipasyon ; sa montre li manifeste yon enterè ke tout lidè ta dwe manifeste devan yon sitiyasyon konsa."
Vizit lidè ameriken an pwovoke reyaksyon pozitif tou bò kote Michael Feely, yon senp sitwayen ki pote l volontè pou l ede òganize travay ki nesesè pou fè bagay yo mache nan yon abri pwovizwa kote anpil sinistre ap viv kounyela a nan New Jersey.
Misye Feely di :
" Prezidan an se yon bon gason; li montre li genyen kè sansib anpil. Yo te prevwa vizit li a ta pral dire 20 minit; men li pran tan pou l rankontre chak moun ki te nan sal la; li pran tan n pou l pale ak tout moun, pandan gouvènè a te avèk li."
Responsab yo fè konnen move tan an koze lanmò omwen 45 moun Ozetazini, aprè li te touye 65 lòt nan rejyon Karayib la.
Vrèmanvre, aprè Misye Obama te fè yon vire-won nan elikoptè sou zòn kote Sandy fè plis dega nan New Jersey, li te pote asirans bay plizyè milyon moun kap viv nan eta a e nan zòn metwopolitèn New York la kote move tan an fè gwo dega tou.
Li voye kondoleyans nasyon an bay fanmi ki pèdi moun ki chè pou yo nan siklòn nan, epi li pwomèt gouvènman federal la pral kontinye ede yo.
Prezidan Obama di:
" Si mwen prezante isit la, se pou nou… pou mwen di nou pap bliye. Nou pral fè suivi ki nesesè pou n ka gen garanti ke nou resevwa tout asistans nou bezwen, jiskaske nou va fin rebati."
Prezidan Obama te kontinye pou l di konpayi ki bay sèvis premye nesesite yo (tankou konpayi elektrik, konpayi dlo ak gaz), genyen sou plas nan New Jersey pwofesyonèl kap pote-kole nan efò pou retabli sèvis sa yo nan zòn sinistre yo.
Bò kote pa l, gouvènè Eta New Jersey a, Chris Christie -ki pa konn mete dlo nan bouch li pou l kritike Misye Obama- fè gwo konpliman pou prezidan an poutèt rapidite aksyon lidè ameriken an pran pou l reyaji pandan e aprè pasaj siklòn nan.
Gouvènè Christie deklare: “Prezidan ameriken an avèk mwen, nou fè 6 konvèsasyon depi dimanch. Sa montre mwen kijan sitiyasyon an ba li preokipasyon ; sa montre li manifeste yon enterè ke tout lidè ta dwe manifeste devan yon sitiyasyon konsa."
Vizit lidè ameriken an pwovoke reyaksyon pozitif tou bò kote Michael Feely, yon senp sitwayen ki pote l volontè pou l ede òganize travay ki nesesè pou fè bagay yo mache nan yon abri pwovizwa kote anpil sinistre ap viv kounyela a nan New Jersey.
Misye Feely di :
" Prezidan an se yon bon gason; li montre li genyen kè sansib anpil. Yo te prevwa vizit li a ta pral dire 20 minit; men li pran tan pou l rankontre chak moun ki te nan sal la; li pran tan n pou l pale ak tout moun, pandan gouvènè a te avèk li."
Responsab yo fè konnen move tan an koze lanmò omwen 45 moun Ozetazini, aprè li te touye 65 lòt nan rejyon Karayib la.