Minis afè etranjè eta manm Unyon Ewòp la ap rankontre lendi pou yo pale de sitiyasyon an nan Siri –e sitou chache ranfòse yon anbago ki anpeche zam antre nan peyi sa a.
Obsèvatè yo atann yo aske minis yo adopte yon plan ki mande pou enspeksyon fèt nan tout bago k ap sòti a letranje pou antre nan Siri, kit se pa bato, kit se pa avyon.
Enspeksyon sa yo ta fèt sèlman sou tèritwa peyi-manm Inyon an epi ranfòse yon anbago yo te deja pran kont Siri nan mwa me ane 2011.
Pandansetan, lidè Lig Arab la pwomèt pou yo bay Prezidan Bashar al-Assad sof-kondui pou l kite Siri si li dakò pou l kite pouvwa a.
Nan yon rankont minis afè etanjè lig-la òganize bridsoukou dimanch 22 jiyè 2012 la nan vil Doha, yo lanse apèl bay misye Assad pou yo mande li bay demisyon n ; men yo pa bay okenn detay sou kesyon pou konnen ki kote misye kapab ale.
Se konsa tou, yo pran angajman pou yo ofri 100 milyon dola pou ede refijye siryen yo. Menm jounen dimanch la, Sekretè Jeneral l’ONUan, Ban Ki-moon, pale pou l di anviwon 17 mil moun deja pèdi lavi yo depi mouvman leve-kanpe a te kòmanse nan Siri nan mwa Mas 2011.
Chif sa a reprezante yon gwo ogmantasyon pa rapò ak chif l’ONU te bay jiskela; vrèman vre, pandan plizyè mwa òganisyon mondyal te kenbe bilan mò yo nan Siri nan nivo 10 mil omwen.
Obsèvatè yo atann yo aske minis yo adopte yon plan ki mande pou enspeksyon fèt nan tout bago k ap sòti a letranje pou antre nan Siri, kit se pa bato, kit se pa avyon.
Enspeksyon sa yo ta fèt sèlman sou tèritwa peyi-manm Inyon an epi ranfòse yon anbago yo te deja pran kont Siri nan mwa me ane 2011.
Pandansetan, lidè Lig Arab la pwomèt pou yo bay Prezidan Bashar al-Assad sof-kondui pou l kite Siri si li dakò pou l kite pouvwa a.
Nan yon rankont minis afè etanjè lig-la òganize bridsoukou dimanch 22 jiyè 2012 la nan vil Doha, yo lanse apèl bay misye Assad pou yo mande li bay demisyon n ; men yo pa bay okenn detay sou kesyon pou konnen ki kote misye kapab ale.
Se konsa tou, yo pran angajman pou yo ofri 100 milyon dola pou ede refijye siryen yo. Menm jounen dimanch la, Sekretè Jeneral l’ONUan, Ban Ki-moon, pale pou l di anviwon 17 mil moun deja pèdi lavi yo depi mouvman leve-kanpe a te kòmanse nan Siri nan mwa Mas 2011.
Chif sa a reprezante yon gwo ogmantasyon pa rapò ak chif l’ONU te bay jiskela; vrèman vre, pandan plizyè mwa òganisyon mondyal te kenbe bilan mò yo nan Siri nan nivo 10 mil omwen.