Ansyen prezidan ameriken an , George W. Bush retounen nan Lamezon Blanch ansanm ak madanm li Laura Bush pou asiste seremoni kote yap devwale pòtre li ki pote siyati atis ameriken Howard Sanden.
Se premye fwa prezidan George W.Bush retounen nan Lamezon blanch depi 2 zan. Gen yon gwo gwoup moun ki te prezan nan seremoni jodi a tankou manm fanmi 43zyèm lidè ameriken an ak sèten gwo responsab ki te fè pati ansyen gouvènman li an. Aktyèl prezidan Etazini Barack Obama te pwofite okazyon sa a pou l chante lwanj demokrasi amkerikèn nan.
Mesye Obama deklare : "Youn nan bagay ki bay demokrasi amerikèn nan plis fòs, se kapasite Lèzétazuni pou l fè pasasyon pouvwa pasifikman. Sa gen pou wè tou ak lefèt ke nou toujou genyen lidè ki plase konfyans yo nan Etazini ak tout sa nasyon amerikèn nan senbolize. Lidè sa yo ansanm ak tout manm fanmi toujou yo pare pou devwe tout egzistans yo bay peyi yo renmen an."
Pòtre sa a montre ansyen prezidan George W. Bush ki kanpe nan biwo oval la anfas yon lòt tablo penti ki make : “Yon djòb pou moun kenbe” e ki te rete kwoke sou mi an pandan tout ane li te pase kom lidè Lèzetazini. Mesye Bush te pwofite pale sou siyifikasyon pòtre sa a genyen pou li.
Mesye Bush di: "Natirèlman, pòtre sa a genyen anpil valè pou mwen antanke sitwayen òdinè, paske mwen konnen pentu sa yo ap rete an vi nan Lamezon Blanch. Pòtre sa a pral rete kwoke la a anfas bèlmè mwen e yo pral plase l tou pre penti papa mwen an, an palan de Georgte Bush pè."
Se premye fwa prezidan George W.Bush retounen nan Lamezon blanch depi 2 zan. Gen yon gwo gwoup moun ki te prezan nan seremoni jodi a tankou manm fanmi 43zyèm lidè ameriken an ak sèten gwo responsab ki te fè pati ansyen gouvènman li an. Aktyèl prezidan Etazini Barack Obama te pwofite okazyon sa a pou l chante lwanj demokrasi amkerikèn nan.
Mesye Obama deklare : "Youn nan bagay ki bay demokrasi amerikèn nan plis fòs, se kapasite Lèzétazuni pou l fè pasasyon pouvwa pasifikman. Sa gen pou wè tou ak lefèt ke nou toujou genyen lidè ki plase konfyans yo nan Etazini ak tout sa nasyon amerikèn nan senbolize. Lidè sa yo ansanm ak tout manm fanmi toujou yo pare pou devwe tout egzistans yo bay peyi yo renmen an."
Pòtre sa a montre ansyen prezidan George W. Bush ki kanpe nan biwo oval la anfas yon lòt tablo penti ki make : “Yon djòb pou moun kenbe” e ki te rete kwoke sou mi an pandan tout ane li te pase kom lidè Lèzetazini. Mesye Bush te pwofite pale sou siyifikasyon pòtre sa a genyen pou li.
Mesye Bush di: "Natirèlman, pòtre sa a genyen anpil valè pou mwen antanke sitwayen òdinè, paske mwen konnen pentu sa yo ap rete an vi nan Lamezon Blanch. Pòtre sa a pral rete kwoke la a anfas bèlmè mwen e yo pral plase l tou pre penti papa mwen an, an palan de Georgte Bush pè."