Moun ki bwè te ka gen plis chans pou yo viv pi lontan pase moun ki pa bwè te.
Se sa ke yon gwo etid Britanik ki fèt pami moun ki bwè te te jwenn. Etid la pibliye Lendi nan jounal Annals of Internal Medicine.
Savan yo jwenn ke si yon moun bwè 2 oubyen plis tas te pa jou, li jwi yon benefis sante modèst de ant 9 ak 13% mwens chans pou yo mouri. Si ou ajoute te ak sik sa pa afekte rezilta yo.
Etid ki te fèt an Chin ak Japon nan le pase, kote te vèt popilè te sigjere se yon bagay ki bon pou la sante.
Nouvo etid la etann benefis yo pou moun nan peyi Angletè kote te se youn nan bwazon prefere pèp la. Britanik yo renmen te nwa yomenm.
Yon etid konsa baze sou obsèvasyon abitid moun ak sante yo. Sepandan li paka pwouve koz ak efè.
