Lapolis fè konnen yon mesye kondwi machin ni jous tan li frape yon barikad tou pre Capitol la epi li komanse tire anlè anvan li tire tèt li.
Lapolis di misye pat sanble vize okenn manm Kongrè a.
Ensidan an rive yon ti tan anvan 4 hè di maten, devan yon barikad ki drese sou morn kote Capitol la sitye a.
Otorite yo di mesye a tap soti nan machin nan lè otomobil la pran dife avè'l. Lapolis di apre sa li te pran tire lè polisye yo te pwoche'l.
Yo poko pibliye idantite mesye a, men anketè yo jwenn adrès li nan eta Delaware ak Pènsilvani e yo aprann li te kondane pou plizyè krim nan pase a.
