Yon jiri nan vil Kenosha eta Wisconsin nan sant-wes Etazini jwenn non koupab Kyle Rittenhouse, yon jen gason blan ki te plede non koupab apre la jistis te akize'l deske li te tire e touye moun pandan yon manifestasyon kont rasism.
Ka sa a te soulve gwo deba toupatou Ozetazuni sou zam, sou moun ki pran la jistis nan men yo epi sou enjistis pou rezon ras.
Jiri a anonse desizyon ni apre li te fe dba pandan 3 jou edmi.
Rittenhouse, yon jen gason 18 an, tap fe fas ak posibilite pou'l pase res vi li nan prizon si yo te jwenn ni koupab pou akizasyon pi serye kap peze sou do'l.
La jistis te akize'l te omisid, tantativ omisid epi konpotman san fwa ni lwa ki mete sekirite ak lavi moun an danje e kite rezilte nan lanmo 2 gason. Yon twazyem moun te blese le li tire yo ak yon zam stil semi-otomatik.
Ensidan sa yo te dewoule pandan yon nwit kote moun eta Wisconsin te pran lari pou pwoteste kont zak vyolans lapolis te komet kont nwa yo pandan sezon ete 2020 an. Rittenhousese yon blan, e moun li te tire yo te blan tou. Jiri a te pou pi fo blan tou.
