CAPE CANAVERAL, FLA —
La NASA anile dezyem tantativ li pou'l lanse nouvo fize li pou lalinn akoz yon lot fwit idwojèn.
Se dezyèm delè yo konstate semèn sa a pou fize a, ki mezire 322 pye de wotè, e ki se fize pi pwisan La NASA janm konstwi.
Premye tantative la te echwe tou akoz idwojèn ki tap chape, men te gen fwit lot kote tou.
Kontwolè lansman yo te eseye bouche fwit Samdi a apre yo te sispann epi reprann sikilasyon likid idwojèn nan ki frèt anpil.
Sepandan fwit la te kontinye e direktè lansman an te finalman deside mete yon ola nan plan an.
Administratè La NASA a, Bill Nelson di lansman an ap ranvwaye pou jous mwad Oktob la si yo gen pou transpote fize a nan baz li pou repare'l.
