Yon pòtpawòl Depatman Deta Ameriken an di: "Lansman misil balistik sa a vyole plizyè rezolisyon Konsèy Sekirite Nasyonzini an e li reprezante yon menas pou vwazen Kore di Nò ak kominote entènasyonal la".
"Nou rete angaje nan yon apwòch diplomatik nou anvè Kore di Nò epi mande yon chita pale ".
Dapre sa lame Kore di Sid la rapòte, Pyongyang te tire sa ki "ta sipoze yon misil balistik" nan lanmè a tou prè peyi Japon, 08:10 lè lokal (23:10 GMT Madi).
"Sèvis entèlijans Kore di Sid ak Ameriken yo ap analize done yo ak anpil atansyon pou plis detay".
Pòtpawòl Depatman Deta Ameriken an mete aksan sou angajman Lèzetazini pou defann Kore di Sid ak Japon ".
Sekretè Deta Ameriken an Antony Blinken ak Minis Defans Ameriken an Lloyd Austin deja planifye pou yon reyinyon vityèl Jedi ak tokay Japonè yo pou diskisyon ki gen rapò ak sekirite.
Administrasyon Demokrat Joe Biden te di plizyè fwa li disponib pou yon chita pale ak Kore di Nò. Pyongyang te rejte jiskaprezan òf yo.
Lidè Kore di Nò Kim Jong Un rankontre twa fwa ak ansyen Prezidan Repibliken Donald Trump, ki te vann tèt li kom youn nan prezidan ki ka anpeche yon konfli avek Pyongyan men li pa rive jwenn yon akò konplè pou mete fen nan pwogram nikleyè Kore di Nò.
