MIAMI —
Miami Rum Fest, se yon festival ki dewoule chak ane nan sid eta Florid, kote moun gen opotinite pou yo goute dè santèn wòm ki soti toupatou nan Karayib la ak lòt peyi.
Se 14 Novanm festival la ap dewoule ane sa a nan Klib Fanm Coral Gables la, e wòm Ayisyen Barbancourt ap la.
Oganizatè a di VOA Kreyol yo kontan gen opotinite fè festival la ane sa a paske ane pase a yo te oblije anile'l akoz maladi COVID-19 la.
Ane sa a ap gen kèk nouvo wom pou goute, epi ansyen favori yo tou.