Ansyen Prezidan Etazini Donald Trump mande pou yo pibliye "tou swit" manda federal FBI te sèvi pou fouye kay li nan eta Florid.
Nan mesaj li pibliye sou rezo sosyal li a Truth, Trump ekri: "Pibliye dokiman yo kounyela a!"
Depatman Jistis la mande yon tribinal rann manda a piblik Jedi. Minis Jistis la, Merrick Garland site kom rezon: "gwo enterè piblik sou kestyon sa a."
Garland di li te apwouve manda pou fouye kay la pèsonèlman, e ke sa fè pati yon ankèt Depatman Jistis la ap mennen sou dekouvèt dosye sekrè Lamezonblanch nan kay Trump la nan Palm Beach, Florid (Mar-a-Lago) pi bonè ane sa a.
