Prezidan ameriken an, Donald Trump, fè gwo konpliman pou fòs de lòd yo nan pati West Eta Tegzas kote 7 moun pèdi lavi yo apre yon nèg ame te ouvri koutzam sou yon gwoup moun aprè li te kouri pou ajan sikilasyon ki te kanpe l nan mitan yon trafik. Lidè ameriken an –ki t ap pale de ensidan nan jounen dimanch premye septanm nan- deklare : « Sa a se yon sitiyasyon ki veritableman tris.
Prezidan Donald Trump di li regrèt ensidan ki koute lavi 7 moun nan wikenn nan; sepandan, lè laprès te mande li ki lwa administrasyon li a kapab pran kòm reyaksoyn pou sa k pase a, li pa t fin bay yon repons konplè. Malgre yon gwo ogmansyom nan kantite fiziyad k ap touye moun o-pliryèl Ozetazini, anpil manm Kongrè a pa sanble yo twò prese pou yo mande kontwòl ki pi sevè sou posesyon ak sikilasyon zam nan peyi a, paske yo pè pèdi apui elektè ki sipòte dwa pou moun posede zam avèk sipò gwio konpayi ki fabrike zam e ki abitye bay gwo kontribisyon lajan pou kanpay elektoral.
Depi mwa janvye 2019 la, 330 moun mouri nan fiziyab ki touye moun pa bann e pa pakèt Ozetazini; 50 nan viktim sa yo pèdi lavi yo nan 30 jou ki pase la yo.
Nou envite ou suiv yon repòtaj avèk Lyonel Desmarattes.