Minis Defans Taiwann nan avèti jodi 27 desanm 2016 la gen menas kap gwosi kont li bò kote Lachin apre yon gwoup avyon de gè ki te gen nan tèt yo premye pòt avyon chinwa te navige bò sid zile nasyon an pandan yo t ap fè ekzèsis militè woutin.
Ekzèsis yo fèt yè lendi 26 desanm nan, plis pase 3 semèn apre Prezidan-eli Ameriken an, Donald Trump, te aksepte yon kout telefòn Prezidan Taiwann nan Tsai Ing-wen, bagay ki pa konn fèt, sak te deklannche yon pwotestasyon diplomatik bò kote Lachin.
Akoz aksyon Misye Trump, obsèvatè politik yo kwè Lachin ap ogmante presyon sou zile nasyon an, ke Lachin reklame kòm teritwa li, malgre 2 peyi yo te jere tèt yo apa depi yo te fin fè yon gè sivil ki te bout an 1949.