Sòlda rebèl nan peyi Afriken ki rele Nijè a deklare yo ranvèse prezidan demokratikman elu a sou pouvwa a. Yo fè anons la sou televizyon leta. Yo di yo deside fè sa pou mete fen nan ensekirite ki tap minnen peyi a depi kèk tan.
Anons la Mekredi swa vini apre yon jounen ensetitid nan moman manm gad prezidansyèl Nijè yo te antoure palè a epi arete Prezidan Mohamed Bazoum.
Li pa klè ki kote prezidan an te ye nan moman yo fè anons la ni si misye bay demisyon l.
Menas pou lidèship Bazoum nan ta minnen jefo l Oksidan ap fè pou stabilize rejyon Sahèl la an Afrik, kote yon pakèt kou deta fèt pandan ane ki pase yo.
Peyi Mali ak Burkina Faso fè fas ak 4 kou deta depi ane 2020.
