Sezon fèt la taka lakoz moun kapa jwenn tès COVID-19 pou domisil achte, nan moman yon pakèt Ameriken ap eseye pran tès sa yo anvan yo vwayaje pou fèt Thanksgiving nan (Aksyon de Gras) pou y'al wè fanmi ak zanmi.
Apre plizyè semèn rate, famasi tankou CVS fè konnen yo chaje ak tès kounyea ke moun ka fè lakay yo, e ki bay rezilta nan apepre 15 minit.
Sepandan, ekspè yo lanse avètisman pou di yon gwo demann pandan sezon ivè a taka diminye pwovizyon sa yo, sitou lè fredi antre epi moun kòmanse rankontre an gwoup epi enfekte. Yo di sa taka lakoz yon nouvo ogmantasyon nan ka kowonaviris.
Jefo gwo antrepriz yo ak lekòl yo ap fè pou teste moun taka diminye kantite tès rapid ki disponib pou konsomatè yo tou.
