Premye minis ayisyen an, Ariel Henry, te remanye gouvènman li a apre plizyè semèn negosyasyon ak kèk pati opozisyon an. Msye Henry te nonmen 8 nouvo minis.
Li di li vle konvenk opozan li yo "nan nesesite ijan pou yo antre nan yon fwon komen kont ensekirite, kont koripsyon, kont povrete".
André Michel, pòtpawòl Sektè Demokratik ak Popilè a ( SDP) ki se youn nan siyatè akò 11 septanm asime ke ( SDP) nan gouvènman sila. Apre prezantasyon gouvènman an André Michel deklare ke "gouvènman an ekilibre" paske okenn sektè pa kontwole gouvènman an. Pami manm kle nan siyatè akò 11 septanm lan, nou jwenn ansyen senatè Ricard Pierre manm ( SDP), Rosemond Pradel (FUSION), epi Listz Quitel Pitit Desalin, Nesmy Manigat nan Edikasyon reprezante PHTK, Boisvert nan Ekonomi Jovenélist yo.
Men lis nouvo minis yo:
Nesmy Manigat - Edikasyon Nasyonal ak Fòmasyon Pwofesyonèl
Rosemond Pradel - Travo Piblik, Transpò ak Kominikasyon
Ricard Pierre - Planifikasyon ak Kowoperasyon Ekstèn
Ariel Henry - Kilti ak Kominikasyon
Berto Dorce - Jistis ak Sekirite Piblik
Alex Lasene - Sante Piblik ak Popilasyon
Odney Pierre Ricot - Afe Sosyal ak Travay
Raymonde Rival - Spò, Jenès ak Aksyon Sivik
Jean Victor Geneus - Afè Etranje
