San Juan —
Reprezantan Ricky Martin demanti akizasyon ki te debouche sou piblikasyon yon òdonans restriktiv kont vedèt Pòtoriken an, ke la jistis pa akize de okenn krim.
Samdi, lapolis te di ke yon jij pibliye yon òdonans restriktiv kont Martin, men otorite yo pat rive jwen vedèt la nan vil boujwa Dorado kote li rete a.
Odonans la pibliye anba lwa Pòtoriko ki gen pou wè ak vyolans nan domisil, dapre pòt pawòl lapolis Axel Valencia. Misye di li paka bay okenn lòt detay, ni di kiyès ki mande pou mete òdonans sa a kont atis la.
Reprezantan Martin yo dekri akizasyon kòm "konplètman fo ak yon envansyon," dapre magazin People.
