Misye Trump te abòde dosye eleksyon yo jedi 6 jiyè 2017 la pandan lap vizite peyi La Polòy anvan li ale patisipe ann Almay nan Somè G-20 an.
Prezidan ameriken an, Donald Trump, fè konnen Larisi byen kapab te chache enfliyanse rezilta eleksyon prezidansyèl ane 2016 la Ozetazini pou ede li-menm, kandida repibliken an; men, daprè li, se posib pou kèk lòt peyi te chache fè menm bagay la tou.
Nan yon konferans pou laprès Mesye Trump bay nan Vasovi, kapital La Poloy anvan li ale patisipe nan Somè G-20 an nan vil Anbou, nan peyi Lalmay, li deklare :
“Mwen panse sete Larisi ak teknisyen ris; men mwen panse tou se byen kapab lòt moun ou teknisyen kèk lòt peyi. Pèsonn pa konnen vrèman. Non; pèsonn pa konnen avèk tout asirans.”