Prezidan Ameriken Joe Biden deklare li kanpe deye desizyon ni pou'l rale twoup Ameriken yo soti Afghanistan. Presizyon sa a fe pati premye komante piblik prezidan an fe depi Taliban an te pran kontwol peyi Azi di Sid sa a.
Nan yon diskou nasyonal Lendi apremidi nan Mezon Blanch la, Biden deklare misyon Etazuni nan Afghanistan "pat janm sipoze bati yon nasyon" e ke menas teworis ki te lakoz Ameriken te voye twoup nan peyi a finnn pwopaje kounyea pi lwen pase frontye Afghanistan.
Misye admet ke viktwa Taliban an ranpote nan peyi Afghanistan fet "pi vit pase sa nou te atann".
Sepandan, Biden deklare se ta yon ere pou mande twoup Ameriken yo kontinye goumen nan moman kote twoup Afghanistan an yomenm pa gen volonte pou fe sa.
Biden retounen nan Mezon Blanch la soti Kan David, kote ki gen yon kay vakans prezidansyel ofisyel, yon jou apre Prezidan Afghanistan, Ashraf Ghani te kouri kite peyi li pandan ke konbatan Taliban yo tap vanse sou kapital la, Kaboul.
Biden defann plizye fwa desizyon li pran pou'l rale twoup Ameriken yo soti nan peyi Afghanistan anvan 31 Out ane sa a.