Pandan yon konferans pou laprès pou make nouvo ane a, Prezidan Joe Biden admèt ke pandemi a fatige e demoralize anpil Ameriken pandan premye ane li sou pouvwa a.
Sepandan, Biden defann jefo administrasyon li an ap fè pou jere pandemi a e li fè remake ekonomi a ap fè pwogre malgre kè sote li genyen pou to enflasyon an ki wo anpil.
Prezidan an di nou pral oblije satisfè ak "gwo mosso" ajenda eknomik li a ki bloke nan Kongrè a, nan moman yap fè preparasyon pou eleksyon mi-manda yo.
Prezidan an souliyen anpil elektè ta apiye Demokrat yo nan eleksyon sa yo - epi apiye jefo Mezon Blanch li a - si yo byen enfome.
Li di li gen entansyon travay sou sa ane sa, pandan lap siyonnen peyi Etazini. Prezidan an ensiste ke li bay pi bon randman pase sa moun te atann, lè'w konsidere kriz lap jere yo.
