Nan Portland, nan Eta Oregon, majitra kominal vil sa a avèk kòlèg li nan 5 lòt vil amerikèn lanse yon apèl bay Kongrè a nan jounen lendi 27 jiyè a pou yo mande l deklare illegal pou gouvènman federal la voye manm fòzame nayonal al pran pozisyon nan vil yo si otorite lokal yo di yo pa bezwen prezans militè nan vil yo.
Majista vil sa yo: Portland (Oregon) Seattle (Eta Washington) Chikago (Ilinwa), Kansas City (Eta Missouri), Albuquerque (Eta Nouvo Meksik) mete avek majistra Washington D.C. a (kapital federal la) pou yo voye yon lèt bay ni Dhanm Depite a ni Sena a, kote yo di:
“Itilizasyon abizif administrasyon sa a ap fè avèk fòs federal yo nan vil yo, menm lè otorite lokal yo pa vle, se yon yon bagay ki pa t janm dwe fèt.”
Majistra kominal Portland la, Ted Wheeler, avek Administrateu vil la, JoAnn Hardest, mande yon rankont avèk Minis Sekirite Enteryè Pwovizwa a, Chad Wolf, pou yo fè yon chita-tande ki ta debouche sou yon seselfe avèk depa tout twoup militè ki nan vil la. Anvan sa, nan menm jounen lendi a toujou, yon otorite feredal te deklare sòlda sa yo pral rete nan Portland jiskaske yon seri de atak k ap fet sou tribinal federal vil la va sispann; li menm anonse se posib pou gouvènman an voye plis sòlda toujou.
Bò kote pa l, minis jistis la, William Barr, fè konnen:
“Ou pa pwopoze pyès solisyon lè w mande pou manm fòzame federal yo kite vil la tandiske atak k ap fèt sou pwopriyete ak pèsonèl federal yo ap kontinye. Nou pa p kite building federal yo san pwoteksyon pou moun kraze yo, alòske se sa menm moun sa yo vle fè.”