Palman Pewou deside kite tonbe menas li te fè pou'l anpeche Oganizasyon Eta Ameriken yo oganize yon rankont lakay li akoz yon demann l'OEA fè pou gen twalèt net - setadi kote gason ak fi ka sèvi avèl.
Palmantè yo vote Vandredi pou otorize dewoulman Asanble Jeneral minis afè etranjè L'OEA yo ant 5 ak 7 Oktob.
Tèm rankont la se" Ansanm kont inegalite ak diskriminasyon". Yon jou anvan sa, palman an, ke konsèvatè sosyal yo domine, te vote pou pa bay apwobasyon ni pou rankont anyèl la paske l'OEA te mande pou gen omwens yon twalèt "jan net" disponib.
Gen kèk palmantè ki te sigjere sa taka yon presedan pou mete twalèt konsa lot kote nan peyi a.
