Pantagon nan anonse lap ranvwaye yon esè misil nikleyè li te anvizaje fè semèn sa a pou evite tout malantandi posib, nan moman Prezidan Ris la, Vladimir Putin deside mete fos nikleyè li nan wo eta d'alèt.
Sekretè Laprès Depatman Defans Etazini, John Kirby, di desizyon pou ranvwaye esè misil balistik entèkontinantal Minuteman III a, se yon desizyon Sekretè Defans la, Lloyd Austin pran. Li ajoute Etazini ta renmen wè Moskou fè mèman parèyman pa "diminye tanperati a" nan kriz Ikrèn nan.
Kirby di Etazini pa mete fos nikleyè pa li ann eta d'alèt pou reponn mezi Putin pran an, ke pot pawol la dekri kom danjre ak san nesesite.
Austin "konfotab ke strateji dekourajman Etazini genyen an plas an mezi pou defann teritwa nasyonal la ak alye Lèzetazini."
D'abitid Etazini konn fè apepre 4 esè lansman misil Minuteman II pa an.
