Delegasyon OEA a, ki rive ann Ayiti sou envitasyon Minis afè etranjè a, Bocchit Edmond, pa dakò pou prezidan Jovenel Moise kite pouvwa a tankou opozisyon an ap mande l.
Pou l'OEA tout moun ki pa dakò ak prezidan an dwe ale nan eleksyon pou pran pouvwa a. Oganizasyon rejyonal la mande lidè ayisyen an pou l dirije peyi a.
Toujou dapre nouvèl yo prezidan Jovenel Moise sanble dakò sou yon pwopozisyon l'OEA fè pou l fòme yon komisyon k ap gen ladann ekspè etranje nan domèn finans pou odite fon Petro Karibe a pou idantifye moun ak antrepriz ki ta mal itilize fon Petro Karibe a epi trennen yo devan la jistis.
