Tranbleman Te Ayiti - Men Sa Nou Konnen: 9:00 am Dimanch
- Omwens 304 moun mouri, plis pase 1,800 blese
- Episant sekous la, dapre Sevis Jeyolojik Etazuni (USGS) sitye a 125 km a loues Potoprens
- Premye Minis Ariel Henry di lap voye asistans vit e prese bay vil ki pi afekte yo, sitou sa yo kote lopital yo subi gwo dega
- Pi fo viktim tranbleman an se nan sid Ayiti yo ye
- Prezidan Etazuni Joe Biden otorize pou peyi a reponn san pedi tan pou ede Ayiti. Li nomen direktris USAID (Ajans Ameriken pou Devlopman Entenasyonal) Samantha Power kom wo responsab Ameriken kap kowodone jefo asistans pou Ayiti.
Sant Nasyonal Meteyowoloji Etazuni an fe konnen yon tanpet twopikal ki pote non Grace fome nan oseyan Atlantik la Samdi. Yo atann yo aske li pral avanse nan direksyon sid eta Florid nan mitan semenn nan. Kounyela a li sitye tou pre Guadeloupe.
Okap - 10:00 am
Meri Kap Ayisyen anile fet ki te planifye pou 351e anivese vil la jodia. Yo envite popilasyon an pito pou pote solidarite ak Gran Sid la.
Meri a fe konnen ponpye Kapwa yo al nan vil Okay pou ede ak operasyon sekou yo.
Not de pres PAHO 10:30am
Oganizasyon Panameriken la Sante a, PAHO fe konnen yon gwoup ekspe biwo li nan Potoprens al evalye dega tranbleman te yo epi kowodone ak responsab Ayisyen yo kijan yo ka reponn bezwen viktim yo.
Direktris PAHO a, Dokte Carissa Etienne deklare "ke nou ap rache pou pep Ayisyen an jodia. Ekspe nou yo sou plas e yo pare pou ede ak tout aspe sekou yo nan nivo sante. Ekip PAHO a ap travay ak Ministe Sante Piblik Ayiti, ajans LONU (Nasyonzuni) epi lot patne entenasyonal yo pou asire viktim yo gen swen sante yo bezwen vit e prese.
Paho ap pare yon ekip sekouris - EMT (Emergency Medical Teams) ansanm ak ekipman medikal ak lot ekipman estratejik ke yo ka deplwaye si nesese.
Ekip PAHO ki espesyalize nan repons nan tan dezas deja aktive ann Ayiti, Republik Dominikenn, epi Washington, DC Ozetazuni.
PAHO gen ke sote pou tanpet twopikal Grace, ki taka frape preskil Hispaniola jodi Dimanch 15 Out la.