WASHINGTON, DC —
Nan La Nouvèl Zeland, yon moun tonbe anba akizasyon dèske li komèt asasina, nan kad ankèt otorite yo ap mennen sou atak teworis ki fèt sou 2 moske nan peyi a e ki touye 49 moun.
Komisè polis Mike Bush fè konnen sispèk la gen pou l konparèt nan tribinal samdi 16 mas la. Menmsi Misye Bush refize lonmen non akize a, Televizyon Nouvèl Zelanda (TVNZ) idantifye li kòm Brenton Tarrant, yon jennonm 28 tan, moun vil Grafton, Nouvo Peyi de Gal Meridyonal, nan Ostrali. Otorite ostralyen yo konfime nnouvèl ki di atakan an se yon sitwayen peyi yo.
