Apeprè 200 fanm te barikade antre Asanble Nasyonal Nigeria a, yo te gen postè ak banyè nan men yo epi yo tap chante. Manifestan yo, pami yo fanm k-ap vann nan mache, fonksyonè leta ak divès profesyonèl, te anpeche palmantè yo antre nan biwo yo mekredi 2 Mas la.
Yo di yo pa satisfè ak vot ki te fèt madi a pou rezève 20 pousan sièj nan palman an pou medam yo nan nivo eta ak nan nivo nasyonal, preske 3 fwa pousantaj yo gen kounye a ki se 7$. Yo vle pou palman an rezève 35 pousan sièj pou medam yo.
Cynthia Mbamalu youn nan oganizatè manifestasyon mekredi a di: Nou bezwen nouvo lide, nouvo sèvo ak divès pwendvi. Si medam yo nan gouvenman an, se je ni gason ni fi ki pral evalye politik yo ak lwa yo e nap pale de kesyon ki afekte fi, timoun ak jèn moun yo e divès moun ap bay divès lide. Nou paka espere developman oubyen chanjman si se menm kalite moun yo ki pran desizyon yo.
Medam yo k-ap pwoteste nan Nijerya a di peyi afriken tankou Senegal. Rwanda, Afrik du Sud Tanzani ak Botswana gen plis fi ki okipe pozisyon ekonomik ak politk kle yo.