Ajans sekou a di apèl pou $2 milya a ta ede evite sityasyon kote peyi-a pa lwen pou-l pran pàn sèvis sante, manje, edikasyon, dlo ak sèvis ijyèn ansanm ak lòt sèvis sosyal pou timoun nan peyi a, kote fanmiy yo ap lite pou chofe kay yo e kenbe timoun yo nan chofaj nan gwo fredi sezon ivè a.
Alice Akunga reprezantan Unicef nan peyi a fè wè nan yon kominike a ke sityasyon imanitè nan Afghanistan an grav anpil espesyalman pou timoun yo. Li di si pa gen plis lajan ki antre, ajans li a ak patnè li yo pa pral kapab lonje men bay timoun yo ak fanmi yo ki nan bezwen ijan pou asistans.
Unicef estime ke youn sou chak 2 timoun ki pako gen 5 an nan Afghanistan pral soufri malnitrisyon grav nan ane 2022 akoz kriz manje a ak mank sèvis sosyal ki pi enpotan yo.