Nasyonzini ranvwaye operasyon pou evakye malad ki nan pati lès vil antikite Alèp, paske gwoup k ap batay nan vil la pa bay asirans pou sekirite yo.
Pòtpawòl biwo imanitè Nasyonzini an, Jens Laerke, pa t di ki gwoup ki pa respekte pòz imanitè Larisi te òdone yè jedi a nan Siri.
Larisi te òdone yè jedi a pou ajoute 24 è sou yon pòz imanitè nan Alèp nan Siri. Siri ak Larisi te sispann frap aeryen yo sou Alèp madi 18 okòb la e pòz nan batay yo te gen pou l bout a 7 è nan aswè yè jedi nan lè Alèp.