Bilan moun ki mouri anba epidemi Coronaviris la nan Lachin kontinantal monte rive nan 908 kounye a, konsa kantite a depase bilan moun ki te peri pandan pandemi grip poul la ant ane 2002 e 2003 yo, dapre sa responsab chinwa yo rapòte dimanch 8 fevroye 2020 an.
Komisyon nasyonal sante piblik nasyon azyatik la fè konnen yo anrejistre 97 ka lanmò pou sèl yè dimach la . Anplis desa, otorite lasante yo di yo resanse 3 mil 2 nouvo ka maladi, apre kantite a te sibi yon bès samdi pase, e se te premye bès nan sans sa a depi plis pase yon semèn.
Bò kote pa yo, responsab lasante nan Japon, deklare jodi lendi a yo resanse plis pase 60 nouvo ka abò yon bato kwazyè ki jete lank nan vil Yokohama depi semèn pase a kote li toujou an karantèn.
