Militan Islamik yo atake yon otèl nan kapital Somali a, Mogadishu. Apre yon batay kote yo te echanje kout zam ak fòs sekirite yo, omwens 20 moun te mouri.
Dapre lapolis ak temwen yo, gen yon lòt 40 moun pou pi piti ki te blese nan atak la Vandredi swa.
Yo di Samdi ke fòs sekirite yo te rive sove anpil lòt moun, pami yo timoun, nan otèl popilè Hayat la nan Mogadishu.
Atak la komanse ak eksplozyon devan otèl la, anvan nèg ak zam yo te atake bilding nan.
Fos Somalyèn yo tap eseye mete fen nan syèj la prèske 24 hè apre atak la te kòmanse.
Gwoup ekstremis Islamik Al-Shabab la reklame responsabilite pou atak la.
