Aung San Suu Kyi, lidè sivil Myanma (Birmani) ke yo te bay yon koudeta 1e fevriye 2021, jwenn kondanasyon pou'l pase kat ane nan prizon pou ensitasyon.
Madam Suu Kyi ki gen 76 an, te resevwa yon pri Nobèl Lapè nan ane 1991. Li te pase 15 ane anba rezidans siveye paske li te reziste jeneral yo.
Lame a te pran pouvwa a e li te anpeche pati li a, Lig Nasyonal pou Demokrasi a, kòmanse yon dezyèm manda senk ane malgre yon viktwa elektoral pati a.
Plis pase 100 ane nan prizon?
Gen lòt pwosè ke lajistis kontinye ap travay sou li. Si yo jwenn Aung San Suu Kyi, koupab sou tout akizasyon yo, lajistis ka kondane pou plis pase 100 ane nan prizon.
Dapre yon ofisyèl, ki te transmèt vèdik la bay "Associated Press" militè yo aretel e metel l nan yon lye ke pèsonn pa konnen, e tribinal la pa t di si yo tap transfere l nan yon prizon.
Kòm yon rapèl, lame a te pran pouvwa a paske yo site ke gen gwo fwod elektoral pandan eleksyon novanm 2020 yo, men obsèvatè endepandan pa t detekte okenn gwo iregilarite.
