Etap sa a, fè pati de tansyon diplomatik k ap ogmante ant de peyi yo, apre anbasadè Larisi Ozetazini te di semèn pase a ke Etazini ap ekspilse 27 diplomat Larisi ak fanmi yo a pati 30 janvye.
Washington di ke yo pat ekspilse diplomat yo, men pito diplomat ki Ozetazini depi plis pase twazan, ki depase dat nouvo limit ke yo ka rete sou teritwa ameriken an.
Pòtpawòl Ministè Afè Etranjè ris la Maria Zakharova te di laprès "Nou ... gen entansyon reponn yo menm jan an. Anplwaye Anbasad Ameriken ki nan Moskou pou plis pase twa ane dwe kite Larisi anvan 31 janvye."
Dapre yon pòtpawòl Depatman Deta gen yon ane desa Washington te enfòme Larisi ke diplomat li yo ta gen dwa rete pou sèlman twa ane men yo ka ranplase avek lòt diplomat,
Pòtpawòl la te di "Mwen vle klè, sa se pa yon ekspilsyon," e li ajoute ke chanjman règ la te fèt pou fè Larisi chanje diplomat li yo.
Adjwen Minis Zafè Etranje Ris la Sergei Ryabkov te di ke li pa twò ta pou Washington anpeche Moskou fè menm jan an tou, li ap jis abandone plan li genyen poul fòse diplomat ris yo kite Etazini.