Yon gwoup 55 bwat ki gen landan yo restan-ladav solda ameriken ki te mouri nan Lagè Kore a, e ke otorite yo nan Pyongyang te remet Lèzetazini semènn pase a, ebyen! yo transfere bwat sa yo nan yon avyon transpo ameriken jodi mèkredi a nan yon seremoni ki dewoule nan Kore di Sud, anvan avyon yo transpòte restan-kadav yo nan Eta ameriken Hawayi.
Vis prezidan ameriken an, Mike Pence -ki se pitit yon veteran Lagè Kore a-- ap prezan nan seremomni gouvenman Trump la pral oganize lè avyon an va fin ateri sou baz Hickam nan, nan Pearl Harbor, sou il Hawayi.
Jeneral Vincent K. Brooks, kòmandan baz Ayeryen Lèzetazini genyen nan Kore di Sid e kote avyon yo resevwa bwat yo, deklare: "Nou genyen yon devwa solanèl pou n mennen lakay tout sòlda nou ki te mouri nan lagè, e tout konbatan nou yo te fè prizonye nan lagè."