SEOUL —
Kore di Sid fè konnen Kore di Nò teste 8 misil balistik kout pote depi plizyè zòn. Misil sa yo tonbe nan lanmè, dapre sa yo konstate. Se dènye nan seri zak pwovokasyon ak zam Pyongyang fè ane sa a ke Etazini ak Kore di Sid di takapab debouche yon yon esè nikleyè tout bon.
Lansman yo se 18 seri esè misil Kore di Nò fè an 2022. Ekspè yo di lidè Kim Jong Un vle kore stati peyi li kòm puisans nikleyè epi negosye konsesyon ekonomik ak sekirite depi yon posizyon kote'l li montre li gen fòs.
Anvwaye espesyal Prezidan Etazini Joe Biden pou Kore di Nò a te diskite sou lansman yo ak responsab Sid Koreyen yo pandan li tap vizite Seoul. Yo te eksprime "gran regrè" dèske Kore di Nò kontinye ap devlope zam pandan gen yon gwo epidemi COVID-19 lakay li.
