Kongrè a Renouvle Sanksyon Lèzetazini te Mete sou Peyi Iran

Iran ap menase pou l reponn kif-kif apre Sena Etazini an fin bay apwobasyon final pou laji lwa sanksyon ameriken yo kont li. Palmantè nan tou le 2 pati politik yo, demokrat ak repibliken, estime li ekstrèmman enpòtan pou fòse Teheran respekte akò nikleyè entènasyonal li siyen an.

“Iran pwouve ke li respekte akò entènasyonal li yo, men li gen repons ki nesesè pou tout sityasyon,” pou site deklarasyon pòtpawòl minis afè etranjè Iran an Bahram Ghasemi ki kontinye pou l di: “Kongrè ameriken an vyole antant la lè li laji sanksyon yo.”

Msye Ghasemi pa bay presizyon sou ki aksyon ke Iran ap pran nan sityasyon an.