Elektè nan peyi Kolonbi mete sou kote santiman antipatik yo te genyen vizavi gochis yo e yo chwazi kòm nouvo prezidan yo yon rebèl gochis ki rele Gustavo Petro. An menm tan tou, yo fè listwa lè yo chwazi premye vis prezidan nwa peyi a.
Petro pral prete sèman 7 Out kap vini an, e youn nan responsab kle administrasyon li an se pral Francia Marquez, dam ki te poze kandidati ansanm avè'l nan eleksyon Dimanch la.
Marquez se yon militan an favè pwoteksyon anviwonman an ki se moun La Toma, yon bilaj ki antoure ak mòn, kote li te oganize yon kanpay kont yon pwojè idwo-elektrik.
Apre sa li te defye travayè min lo ki tap anvayi tè ki moun Afwo-Kolonbyen yo.
Analis yo di lanmou elektè Afwo-Kolonbyen yo te jwe yon wòl kle nan eleksyon ki te pèmèt li ranpòte la viktwa ak yon maj tou mens sou rival li.
